[心底話··]

我相信自己既選擇
唔理個結果係點樣
我仍然係覺得過程先係重要
成長係需要付出代價
如果係個過程中係有所得著既
根本就唔需要後悔或者怨恨
每一條路不嬲都唔係直咖喇
如果有D野真係嚟得咁易
又點會咁易俾你一直得到啊
不過我得到既其實已經有好多

唔知點解
硬係覺得
個天好似一早已經安排左我要做D咩野咁
每一個決定都好似唔會錯咁
一路以嚟 都係好幸運
由我出世開始
已經係好幸福
有一個好美滿既家庭
可以做兩個國家既居民
可以有自己既主見
可以有自己既興趣
可以係屋企 學校 搵到自己既角色
可以係朋友 屋企人 搵到自己既價值
當我開心個陣 會有人陪我發癲
當我唔開心個陣 會有人主動關心我
當我努力緊個陣 會有人同我講聲加油
當我好懶散個陣 會有人同我講``冇時間喇 仲玩?``
當我有野唔明 會有人主動教我
當我好悶既時候 會有人主動引我笑
身邊既每一個同學朋友屋企人 都好配合我
其實真係好幸福咖

由其是係你啊 你既每一個句說話 行為
比起佢地都更加重要
Emm唔係重要既 係我比較重視o者
因為你有一個地位
霸左我其中一個好重要既地位
就係因為呢個地位
我想你開心
我會成日係到唸
唔知你係咪成日都係度扮堅強呢
會唔會明明自己唔開心
但係又唔想俾人知呢
哈哈
我都唔知點解我會有呢一種既唸法
可能因為...
唔知啊
我覺得你係好需要人地關心
好需要人地好好咁呵護
我覺得咋吓
又或者可能唔係
我都唔係好清楚自己有幾了解你
我不嬲都係靠感覺去對待你
其實有一段時間
我唔識點樣同你講野
講既每一句說話都好唔自然
又完全估唔到你會講咩
個陣其實有D想避開一陣
而家 我地係咪有問題要解決啊?

我唸既野真係好多咖
我都唔想自己咁樣
但係 呢個係我既本質
自己都控制唔到

溫溫下書會唸起
做做下野又會好自覺咁唸起
一個問題
我可以將佢變成幾百個問題
我自己都覺得自己好煩
哈哈
點會咁咖
真係唔知我第時既男朋友會點
可能真係會俾我煩死
哈哈

我好需要適時釋放自己
而家
就係一個好好既時候
溫書溫到冇心機喇
輕鬆一下先

我唔敢搵你
我唔知你幾時得閒幾時唔得閒
我唔知你幾時想同我傾計
幾時想自己一個靜下
我每次都唔會好快咁搵你
因為我覺得你需要空間

呢篇對你嚟講可能係根本一D意義都冇
因為你個心唔係到
又或者算係幾重要既一篇
因為你依然係到

如果真係遇到一個好好既對象
同我講聲就得
因為我好幸福
你唔會打擊到我

不過而家最好唔好同我傾計住
我仲要考試咖
=)

我做既每一件事
講既每一句話
都有唸得好清楚